39Se de yen omen tlakaj katlej mach kualtin katlej ompa opilkatoka itech krus, noijki san tlan amo okilwij, okijtoj: ―Tla tej tiCristo, monewian ximomakixti, iwan xitechmakixti in tejwan noijki.
40Pero in oksé katlej noijki mach kuale, okajwak iwan okilwij: ―¿Amo tikimakasi in Dios, maski ya tikmati nik san sekan timikiskej?
41Tejwan technamiki ma techtlajyowiltikan, porke ya tiktlaxtlajtokej tlan otikchijkej, pero yin tlakatl mach itlaj okichij.
42Iwan okilwij in Jesús: ―Jesús, xinechelnamiki itech nekáj tonale nijkuak oksemi tiwalmuikas para titlanawatis.
43Jesús okinankilij: ―Ipan melajka nimitzilwia, axan tias nowan itech paraíso.