39Na tub yu nu ca cuit mi mnii ziy nim. Orzeꞌ nay rab yum: ―Benu ru nac ru Mesías, biñ nu ca lo cuen nu cyid, orzeꞌ bloo mbañ ub ru, nunu bloo mbañaꞌ de̱ ya̱ ―nay.
40Tees tuubaꞌ losaꞌy bdzaꞌy niy. Orzeꞌ nay rab yuy: ―¿A wacchib ru lo Ñgyoozh? Gun bi taꞌ den laabaꞌ lo cashtig.
41Gun de ub na yad ñi nu gzac zin, gun na drish na de coz nu bicy na. Tees yu ii rila wangyicy yu coz a̱ꞌ nap ―nay rab yu losaꞌy.
42Orzeꞌ na gaꞌy rab yu Jesuuz: ―Jesuuz, gyezaꞌ lagy ru ya̱, ornu cugyiꞌ nu gyub ic ru de mbecy nir ―nay.
43Orzeꞌ Jesuuz nam rab mi yu: ―Ya̱ rishli rne̱e̱ lor nu dzi na bi ri nur ya gyibaa ―nam.
San Lucas 23
San Lucas 23:39-43