7Ntá kꞌue̱tue̱nhen chꞌán tí chꞌín tꞌikonhya kíxin: ―Sátjia tí pila tjiá nta̱ itꞌin Siloé tꞌontia kuan ―ichro chꞌán. (A̱ ntá tí ihni̱é Siloé mé tꞌaxrjexín nkíve̱e sín kíxin Kꞌuítuenhen.) Ntá sákjuí tí chꞌín tꞌikonhya kꞌónti chꞌán ikon chꞌán ntá kjan chꞌán kꞌuíkon chꞌán.
8Ntá tí sín nto̱e chjinaxón nto̱e chꞌán la ko tí sín kꞌuékꞌikon sín kíxin tꞌikonhya chꞌán mé ntáchro sín kíxin: ―¿Á jehya tí chꞌín i kꞌuékjakꞌetja̱xi̱n chꞌán kꞌuékjanchakꞌá chꞌán? ―ichro sín.
9Iso sín ntáchro sín kíxin: ―Kjá chaxín jehe chꞌán ―ichro sín. Ikjé sín ntáchro sín kíxin: ―Náhí, jehya jehe chꞌán. Tóyóhó chꞌán tí chꞌín a ―ichro sín. Kjánchó jehe chꞌán kjuáte̱he chꞌán kíxin: ―Chaxín janhan ―ichro chꞌán.
SAN JUAN 9
SAN JUAN 9:7-9