Jon 9:7-9

⁷Ma la Jisas ka fata 'ilo'oo fana, “'Oi leka moko narufia nga maamu 'i 'ubulana nga 'ekwa 'i Saelom. (Lata lo'oo, fa'awatagalai na ‘Wane na gila Alea.’) Ma nga wane no'ona ka leka maka narufia no'o maana, ma ngaia ka aga no'o.

⁸Ma nga ta'a na fanua aana, ma nga ta'a na gila agasia laka'u ngaia 'e kwaikwaisoe na bata no'ona 'i na'o, gila ka orisiga kwairiu 'ilo'oo, “Ngaia nga wane laka'u ngaia 'e kwaikwaisoe lo'oo?”

⁹Ma tani ta'a ngaa'i gila ka 'ilo'oo, “Ngaia lo'oo no'o.” Ma tani ta'a ngaa'i la'u gila ka fata 'ilo'oo, “Ngaia nga wane no'ona 'amoe, tafe'ua ma agasilana 'ilaka'u no'o nga wane no'ona.” Ma nga wane no'ona 'i talana ka fata 'ilo'oo, “Nau lo'oo no'o.”