39Ntá ntáchro chꞌín Jesús kíxin: ―Kꞌuinka ntihi chjasintajni kíxin si̱ntakito̱axián iji̱é chojni kíxin ntá tí sín tꞌikonhya la mé tsꞌikon sín, a̱ ntá tí sín tꞌikon jie la í tsꞌikonhya sín ―ichro chꞌán.
40A̱ ntá iso tí sín fariseo kꞌuéjóntaxín kuínhin sín kíxin xi̱kaha ntáchro chꞌín Jesús, ntá kjuanchankíhi sín chꞌán kíxin: ―¿Xá kja̱xin jeheni ntakótáni? ―ichro sín.
41Ntá kjuáte̱he chꞌín Jesús ntáchro chꞌán kíxin: ―A̱ ntá tí jahará tí chaxín chrókꞌuikonhyará ntá chróchontahyará jie̱. Kjánchó ntáchrorá kíxin tꞌikonrá. Méxra̱ chontará jie̱ ―ichro chꞌán.