SAN JUAN 8:30-34

³⁰Are Jesús ndac̈ho jihi tsje na vitticaon na ngain jehe.

³¹Cottimeja Jesús ndache chojni judío que vitticaon ngain jehe: ―Si jaha ra sitticaon ra cainxin tiempo tti janha ndattjo ra, jaha ra ndoa sinhi ra chojnina.

³²Co rrochonxin ra tti ndoa, co tti ndoa rrochjá ra libertad.

³³Jehe na ndac̈ho na ngain Jesús: ―Janha na nirazé Abraham na co ẍonhi tiempo cjoi na esclavo de ni ná chojni. ¿Queẍén ndac̈hoxin jaha ixin rrochonda na libertad?

³⁴Jesús ndac̈ho ngain na: ―Janha rrindattjo ra ndoa que cainxin chojni que nchehe jianha, chojni mé tti te inchin esclavo de ngain cosa jianha.