30Rernem angka awek-penh, akngerrel Jesus renh tnakek, ikwerenh-angkwarr apentemel-anem.
31Jesus-el Jew ingwer-rnem ilek, renharl apenteyel-rnem, “Arrantherr angka atyenh-angkwarr apententy, arrantherr kwertengerl atyenh-rnem innga aneyenh.
32Arrantherr angka atyenhek arraty innga akaltyirrem. Ikwer-penh arrantherr mwerrant-arey anetyek, nthakenh angka apmwa ingwer-kenhel arrenhantherr ilpertiley-angenh. Atyetyart ingwer aney-angenh arrekantherr, arrangkw.”
33Rernem renh ilek, “Ilekek nga angkeyelan alakenh? Atyetyart ingwer aney-angenh anwekantherr, arrangkw. Anwernantherran Abraham-kenh-rnem aneyel. Rant arrwekeleny anwernekantherrenh.”
34Jesus-el renh-rnem ilek, “Atha arrenhantherr arraty innga ileyel, ingwerenty apek intwemelirrenty Akngey-kety, ra apmwangkwarr intem-antey aneyenh, ra artwa apmwamwam aneyel Akngey-kenh-angkwarr.
John 8
John 8:30-34