SAN JUAN 19:27-30

²⁷Namin ra̱hn ye ri ye ihyan apóstol me: ―Nga̱ cheque, nti ye ta̱n. Nde ro min ndeva ihyan apóstol min chaco Dihvo vo ndeva̱co ye.

²⁸Chihno min ne, nducote a devano Dihvo vo che a chinahn nducuahn ne, ca̱va che conan conahn nduhca̱ che a ndirun na̱n Ndudo yahn Dendiohs ne, ra̱hn ye: ―Ya̱ca rí.

²⁹Va a̱ma ja̱rro min ndito vino. Tuhme chaconahn sa̱hn chahn a̱ma esponja tin a̱ma nduco che duche hisopo, ne deca̱hnda se esponja me nduco vino me, chaconahn se chende Dihvo vo.

³⁰Tihve ye vino me, ne ra̱hn ye: ―Ma̱n ne, a chinahn nducuahn. Tuhme chendih ye, ne chih ye.