San Juan 17:7-18

⁷Pago sija matungo na todosija y unnae yo, sija iyomo.

⁸Sa y finijo sija ni y unnae yo, jusangane sija; ya jaresibe, yan jatungo magajet na mamaela yo guinin jago; ya jajonggue na jagoyo tumago.

⁹Guajo jutayuyute sija; ti y tano jutayuyute, lao sija y unnaeyo, sa sija iyomo.

¹⁰Ya todosija y iyomo, iyoco; ya y iyoco, iyomo; ya guajayo minalag guiya sija.

¹¹Pago taegüe yo gui tano, ya este sija mangaegue gui tano; ya mato yo guiya jago. Tata Santo adaje pot y naanmo, ayo sija y unnaeyo, para ufanunoja, parejo an jita.

¹²Anae estaba yo manjajame gui tano, juadadajeja sija pot y naanmo; ayo sija ni y unnaeyo ya juadadajeja ya taya ni uno malilingo, lao unoja esta malingo, güiya patgon yinilang; para ujacumple y tinigue sija.

¹³Lao pago mato yo iya jago; ya estesija jusasangan gui tano para y minagofjo ubula guiya sija.

¹⁴Guajo guinin numae sija ni y sinanganmo; ya y tano manchinatlie sija; sa sija ti iyon y tano, parejoja yan guajo ti iyon y tano.

¹⁵Ti jutayuyut jao na unnajanao gui tano, lao unadaje sija gui tinaelaye.

¹⁶Sija ti iyon y tano, parejo yan guajo ti iyon y tano.

¹⁷Nagasgas sija pot y minagajetmo; y sinanganmo güiya minagajet.

¹⁸Taegüenao jago tumago yo gui tano, parejoja guajo locue munajutago sija gui tano.