Samsi 51:7-17

⁷Egu heyaheyaya u nuwa afuledi. Na u kaisugu, haba E aꞌa.

⁸Nuwagu wa fakamkamna yo yaluwagu wa lau lidiyen, in moho E atahi egu heyaheyaya wa nuwatuhu afuledi be nuwagu ya amna wananaha yo E kwade.

⁹Tabu egu heyaya u itaꞌita lau lisidi, na mahudoꞌina u nuwatuhu afuledi.

¹⁰Aee–, Yaubada, nuwagu yo yaluwagu mahudoꞌina u fafwaufwau fuyoi.

¹¹Tabu u tole hudoꞌiyegu, e Yaluwam Tabuna lisigu yai u lawe hudoꞌiyen.

¹²U saguhigu be em liba, nuwa amnana i abigu. Doha egu fuya nuwabui bwaꞌibwaꞌina yai. Nuwagu u faloholoho fuyoi.

¹³Habahim em laulau tau heyaya E faꞌatadi be haba sa timuli bui lisim.

¹⁴Aee–, Yaubada, lau pono yai u fofofahigu, yo u bobodiyegu na em laulau dudulai debadi yai haba E wana.

¹⁵Aee–, Guyau, u saguhigu be ya libaliba na haba E fadebasaem.

¹⁶Suisui antalasamedi, yo antalasam gabugabudi hinaga hige nuwam ti amnaedi.

¹⁷Aee–, Yaubada, nuwagu ya tamo golugolu mate egu antalasamna logena; Yaubada um nuwa lidilidi yo nuwa talu wa fanuha.