Sam keil 96:6-10

⁶Kei vi asuv houlu orer ka muohien ten hetetamenien onen mul ritin karahiti. Eim Votut onen vilelau en keihoen ka tahosien onen.

⁷Rehemasmas Iahova, meatin vasi keil ten out netan, ven keihoen ka hetetamenien onen.

⁸Rehehati lat isen Ahi hehina nesa, ka rehelah sanien votut keil orer heha en Eim Votut onen.

⁹Rehetetengeiril en meten Ahi koa vi votut imok. Kami vasi en out netan, mihemaleilei en metauen navong mimai vesesal veni.

¹⁰!Mihehiteni min meatin vasi keil en kantri vasi keil keke Iahova vi asuv houlu! Ahi mul vuli kat revi out netan, ka tounah tovuol vating lati. Ahi helei rahit usite onen meatin vasi keil en sakien koa mal.