Sam keil 139:10-16

¹⁰en out keilu enek emun, komul mulamu enau ka komul katau enau. Veni komul ien tuai keke kovakataun inau vatal min keihoen koa mul en hem.

¹¹Munak namundemi navit mankoli kilea vaav koe inau, vuo nakilea mahiles meneai vamai vahi vongien, nasakras mato suai ranuk.

¹²Nasakras, veni vongien rovitei mankoli enuk. Anatin, en metom, vongien rovopolitei, ka mankoli suval meneai enges.

¹³Vi keik, Ahi, koa komum vasin avek. Navong namul semau en vangen mama onak, keik komumon inau.

¹⁴Navong namundem usil sise koa keik komum revi inau ka ien, namutimanin ka navati lat isom. Nakilea revi keke tounah vasi keil koa komumoni tahos vis tahos imok.

¹⁵Navong naro suai en vangen mama onak, nasakras mato suai ranuk. Veni navong sik keil amul semau asisur en keil, keik kolei kilea enau tuai.

¹⁶Navong avek rovus revitei veah, komul koles inau tuai. Avong keil vasi koa koling kati venau, keik komutis lat keil tuai mul en tus onom mulamu en avong koa avasi inau eni.