Sam keil 135:4-9

⁴Rokilea keke vi anatin veni Iahova rie lat avu orer Siekob vahi onen, ka rie lat ir, me-Isrel keil, rovahi onen kati.

⁵Nakilea keke Iahova vi hetetamen imok, Ahi orer marite mok mulin ahi sav keil.

⁶En out nesa ka en out netan, Iahova mul sakin tounah vasi mai kistal musil envatien onen. En atas ka en huinev teni, tounah keil koa mul kur out musil rendemien onen.

⁷Kei sakin mahmah keil amuloh umai ran out keil koa soutin en out netan. Kei mumon ahil vil en avong ten an tisa, ka lah lat eang ran out teni ka sakini muhuh.

⁸En kantri ten out Isip, vi Ahi koa mu vini moeite vasi keil. Anatin, mu vini moeite onen meatin keil ka onen buluk ka sipsip keil emun.

⁹En out enek, kei mumon merikel keil ka marmari tounah keil. Kei san mahien min asuv houlu ten out Isip, ka min avat keil onen.