Sam 98:2-8

²Leeme Silok ga vaase asu i do ni ga sak tup mi limixin munepen min. La neni ga vaase aronga larabung mixin axap mi mo lolos teren ti lox asepmus limixin.

³Neni ga lox epovo laxakaape ren ti limixin me Israel la i ruturun amisik tidi la ik lox asuusu labalamu lexen tidi. Limixin at lengkot axap digara ven pam ne Moroa atnedi ga sak tup mi limixin munepen min.

⁴Nemi axap limixin at na lavatbung menemen, minak pixan sosoro ri Leeme Silok. Mina emi asu rin mi lempixan la luxupkup sosoro!

⁵Minak pixan mi lengkompixan emi asu ri Leeme Silok! Minak sak lerengteng maraanu ro at lempat taaleng!

⁶Minat mas lempat tu mi lengkongkidi, la minap kup mi lososoro ri Leeme Silok, ni Loorong Silok atdik.

⁷Laras eburu mi lempanga dik lok keneng taram, mina vaas mi luxupkup. Lavatbung menemen mi lempanga axap dik lok mavana ram, minak pixan!

⁸Laradan sen, mina pasa leventingen nimi. Lengkong kaana, minak pixan eburu mi lososoro at lemeren Leeme Silok,