Salmos 98:2-8

²Bab-Jehová, na e-nakwisad bela magar-dakmalaga imaksad. Bela-dulemar-yar-baid-baidgi-bukmaladga e-igar-inniki-imaked oyosad.

³Bab-Jehová Israel-dulemar-sabesaila maid. Ega ibmar-imakedseye-sogsa-gusad ebinsanonikid. Bela dulemar-napneggi-bukmalad, anmar-Bab-Dummad-bela-bela-e-bendaked daksamalad.

⁴Bela-dulemar-napneggi-bukmalad, Bab-Jehováʼga weligwaledgi namakmala. Binnasuli weligwar-namaklegedgi ega namakmala.

⁵Bab-Jehováʼga gar-arpaʼba namakmala, gar-liraʼba ega namakmala, yeer-namaklegedgi ega namakmala.

⁶Bab-Jehová-Rey-guedga, weligwaledgi namakmala, gar-trompetaʼba ega namakmala, garmarba ega namakmala.

⁷Demar-naid, bela egi ibmar-bukmalad namakmala, Napneg-naid, bela egi dulemar-bukmalad namakmala.

⁸Diwarmar-mamaid, argan ogormala, bela yarmar-bubukwad, weligwaledgi namakmala.