SAM 97:6-11

⁶Siwan sanga ena kakaa komune yuaingga itane yuyuknga noman takngae yeuyaman kake aminu kuupbamda umana kayaapa ngang nataaing

⁷Siwan aminu anutu pupukngae munu puke inike umana yapangenakaingu waaminu asiknga maakaning. Anutu pupuknga wa kuupbamda Anutue gwetake munu putning.

⁸Munu puwan kake Saion nana aminu kuupbam gatu yotbamu Juda nana apbakngakaing. Ngan, aminu Juda kep komune yuaingu kuupbamda banip gwaangu gatane kot natake apbakngakaing.

⁹Buyambam tapa, ga Anutu enane siknga apa, kekekngaka bamban tapa, gata keu kuupbam kakuya tasinggayak. Ga umanda kopsaapa siwan gata anutu pupuknga kuupbam ayapbikgayak.

¹⁰Buyambam tapata aminu waiaknga tasinangge dua nataaing aminde take siknga natayamunggak. Ita kakuya inane noman aminabamu katak kayuke toknga amindane kataune sandepakapuke kayuak.

¹¹Sandepakapuke amin nomande Anututa kakaa aknga ayamuke pasiwan musip gwaang natake waaminu apbakngakaing.