Sam 90:9-13

⁹La lorooro atnema, nenu u tara korop atmur i mi mo lebelemamao ram. La i sonao ngan lavapaase siksikma.

¹⁰Lorooro atnema it pot mun at lavanuti sangaun maares la do ma lolos, maba se ka lavanuan sangaun maares. Ketla ana levenmaares move im taba nema mi leven ekarakat la lainbulu. La soso mun lorooro atnema i vaxap kot, la mara onon tino nga.

¹¹Kopmen tara go gata suma vam lolos silok at lebelemamao ram. Kopmen bok teta iklen ka ba lanmarat silok, mo lebelemamao silok taram i epovo ri lox asuusu i xeneng atnema.

¹²Una anasa nema do lorooro atnema it mut mun kusu manaba ruuna ka lodoxoma avukat.

¹³O Leeme Silok, lebelemamao ram naba xap ba lingisa? Una belen tuntun mu nema, limixin me Israel, atla nema limixin tinotno ram!