Salmos 90:9-13

⁹Rabyacurcuptiquega nogacuna usharaycämi. Jämayta cacharcuynöllami watäcunapis päsacurin.

¹⁰Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna.

¹¹Rabyar imano cashayquitapis manami pipis musyanchu. Chayno nogacunapis manami musyäcunachu gamta imano manchacuna cashantapis.

¹²Chaymi Tayta Dios yachaycachimay imano goyänäpäpis. Yachacunäpäpis yarpayta goycamay.

¹³Tayta Dios, ¿imaycamaraj mana yarpämanquichu? Nogacunata yarpaycamayna. Gam acrashayqui caycaptëga nogacunata cuyapaycamay ari.