Sam 89:38-41

³⁸Yawe, rpiq da lc, a' mzli ka drtqm satrpem bange x rlaszpeq ninge, Mz nzngyati-moukr drtwrm ninge, king kc tqmcpxq.

³⁹Nikipeq Nzesz'tikr Drtwr kx yrlqbzme mz melrmqgr Devet, kx natu-zvzbzme mz nibr nqvi lrde, Mz nzapusr-krbzme kraon ngr narnge brmrda.

⁴⁰Awxlikitxopebzme drkq ngr mzteadau nyznge. X odati-atwrnr-ngrbzme lrpalvc nyzgrng amrlx.

⁴¹Enqmi rgrng amrlx nzatrkati-zlwzlr nigr. X lr mrkzbleng kcng tzmnc-aepztrpqng bagr nzyrpalelvzlr ninge, king nem.