Buk Song 89:38-41

³⁸Tasol nau yu kros long king yu bin makim. Yu lusim em pinis na givim baksait long em.

³⁹Yu mekim i dai kontrak yu bin mekim wantaim wokman bilong yu. Yu tromoi hat king bilong en i go long graun na em i doti.

⁴⁰Yu brukim pinis ol banis bilong taun bilong en, na ol strongpela haus bilong en i bagarap pinis.

⁴¹Olgeta manmeri i wokabaut klostu ol i save stilim ol samting bilong en. Na ol wantok i tok bilas long em.