SAM 88:10-16

¹⁰Gata duya takngatu gwa kumbing amin gatayamikge tasinggaak, ba? Asikaya gwa kumbing aminda enake gatane umanda ayatangenakaing?

¹¹Sike asikaya aminu gapmaatang pekaingga gae take siknga natanimunggaunin ngangu ayakaing? Sike keu wai sinanga komune yuke gata katak kayukuyak komde ayakaing, ba wena?

¹²Sike asikaya aminu keu zikaa komune yuaingga duya takngatui pasiwawi akaaing? Siwan aminu wai sinanga komune yuaingga gatane noman takngaka akaaing, ba wena?

¹³Buyambam tapa, nata gae akgatangamiakge ayanggawanggat. Sike tembana kuupbam tumuk wamu gae asinggan yanggat.

¹⁴Siwan ngana Buyambam tapa, dasingge gata masa nae namunggayak? Dasingge siknga gata nae kusopunggayak?

¹⁵Sike tupa waatdaka yukumuneta apu apmanu na toknga gwaamuke akupitde dapaknga singgak. Gata nae meya nami waaknga tasiwan kwatana tuyuknga siwan na meya buyak siknga yuat.

¹⁶Buyambam tapa, gatane musiptok kakngata na gwa usukwatapbut. Gata na atnuke gatukande siknga tasiwi maikum.