Sam 85:6-12

⁶Trtingr! Axplr-mop nzlu-krgr, Murde na-abrtz-ngrgr nim.

⁷Yawe, aelwa-ngrm bagr nzaodu-krm kc tqyc tqyc, Mz nzarlapx-krm nigr.

⁸Nabrti drtwrgu natq Yawe, Murde esalz-ngrmle nrwx bagu mz nzyrlqpx-lzbq-krgu mz dalr nzngqngungr.

⁹X oliq zvz nzarlapx-krde kxnzamrluelr nide, Murde nzulrde naxngi-alope mz drtc' nyzgu.

¹⁰Yawe aodu-zvzle nigu, murde nangida-zpwxbzku bade. X nzaclve-krde tubq, murde namnc-zpwxku.

¹¹Mz nzavzo-krmle nztubqngr lc bagu, Ayzlubzku mz nzngida-zpwx-krbzku bade.

¹²Apule kx nztubqngr lc rtwayzbz bade mz nzatubqti-krde nabz leplz, Murde naoliqti-ngrdr nzvz-krmle. Mz nzoliqngr lc, Yawe sa narkatim bagu da kxmrlzting, X drtc' nyzgu sa nalvcngr dakxnzng kxkqlu.