SAM 85:6-12

⁶Gata nindane kayuk yutnanga aknga gatuka tapi kekekayok. Siwana ninu gikane amindabamda apbakngake umanda yatangenatnim.

⁷Buyambam tapa, gata ninde take asinggan natanimunggayak kakngaka yeutnimi kanim. Yeutnimi kana gata ninu papi take yutnim.

⁸Nata maaknga tewa kuwan Anutu Buyambam tapata wamu dasingga yawikge maak papit. Ita musip kwikwik niman ninu itane aminda take yutnimde yanggak. Unzing waiaknga tupa tasikumang katang gatu dua kunanun.

⁹Siakan siknga, ita amin ie mun puke gatu ie banip tawakaingu apanangge gwa tandaknganggak. Tandakngake tasike papan kuupbamda kawa nindane kep komune itane umana buyambam siwik.

¹⁰Tapduu waomunea aminda notnaapae take natayamuke ie take akngakan pasiyamuning. Siwana musip kwikwik takngane unekan noman gan yutning.

¹¹Keu andakane yuyuuk kepi noman taknga tawanimu, kepi noman tawanggak kapa yekaune yuak kapata pakepusa nindupik.

¹²Sike Buyambam tapata gatanimuwawan yutnim kopatangu sanga ninda tasinimu takekan siwik. Siwan kepminu nanamu kwaapzang aatning.