SAM 81:3-8

³Sike tapduu buyambam gwene yekau yeik gwenda akoke kuku yapii gwen singgak komune pum puyapnong.

⁴Waaknga ninu Isrel nana amindane mama wam taknga unin. Anutu Jekopdane apata mama wamu waaknga ninde nimukut.

⁵Sike tupa Anutu amak tasinangge Isip kukut komune mama wamu waaknga ninu Isrel nana amindane bapuninde yamukut. Sike keu waomune nana aminda wamu yawawa natake ninda guyaknga dua natapbumang.

⁶Siwan ita anzing yakut, “Nata sanga meya kuupbam gwaamnane yukingu gwa sandekum. Siwan nata yandupewa puyatane basket gwegwena kepdakane sandepeking.

⁷Sike tapduu ginu meya buyambam paking komune nae yanawaking. Yanawamban nata gatandama ginda take yuking. Na ena kakaa gakngatda yanggakge banakan kusopuke yuat komuneta tumuk wamu yakingu natake gatandamukum. Siwan ginda yangga gapma Meriba ngang iniking komune yuwawa nata tanziu pasikum.

⁸Natane aminabam, daniwa natapnong! Nata wamu kekeknga aknga ginde gwaut wam daniwit. Ginu Isrel amin, natane wamu ginda natapningge take siknga nataat.