Sam 7:2-10

²Murde ma tzkivztibzlr nrkrdrtqnge mz nzapu-krdr laion, X nzkilznedr ninge me trpnzngr kx naokatrle ninge.

³?Yawe, Gct rnge, nike ale-rbrx? ?Mqnge alele dq da kxtrtubqu?

⁴?Myx kxmule, alebo dq da kxtrka mz kztengeng? ?O atrkatix dzbede negrng mz nzarlapx-krnge enqmi rgrng?

⁵Nzmu kx tqmule lcde, sa tqmrlz nzrlr-krbzme ninge mz mq enqmi rngeng, Mz nzmaneuti-krdr ninge mz nzapu-krdr kuli x nzlolvz-krdr ninge. X natabrtilr ninge x narnzbrtiolr ninge mz drtc', X na-ayrbqtxdr namz rnge elr.

⁶Yawe, tumilzm zngya x aesaki leplz kcng tzngyati drtwrdr ninge. Okatr ninge murde yrlqpeq mzli r nzpipx-krm nztubqkr leplz amrlx o nzvz-rbr-krdr.

⁷Ayrlwr leplz mz nrlc tulvzo murde natu-ngalelvzlr nim, Mz nzaclve-krm nidr Heven.

⁸Yawe, nim kx rpibz mz leplz kx nztubqng o nzvz-rbrng. Pipxbz mz leplz kx mnctr-zpwxpebo bam murde nabznge opx x tubq.

⁹Aesaki nqmq krdr kxdrka'-ngrng x tu-zvzbz mz nibr kxnztubqng. Murde nim kxtubq-esz'ngr x obqplxq nabz x nzvzkr nardr.

¹⁰Gct kxmyatxlz, nim temz ngr lomrnge kc tqyrputrngr nipna. X arlapxq krkcng nabzdr tqlq.