1Nabz ne Asaf. Kxmule-esz' rpiku kx, “Gct mrlzti nivz lrde nigu lr Israel, X amrlzle kx nabzdr lq,”
2A' nabznge ngrgo. X nzrlxngiti-krnge ycpwz pipz nzaxtx-krbole.
3Murde mcx nzrngisc-zlwzkr kxdrka'-ngrng, X kcmnztx-ngrne dztu kxnzglqpx-lzbq lcng.
4Mz nzaotikr drtwrnge, trpnzngr nzetqkr drtq kx nzxngitrlr, A' nzyrlvz-angidrng x nzxplrng.
5Leplz lcng trpnzngr zyagox kx prtzbz badr, X trnzrmctilru nzkxpungr.
6Delc tzbi-zlwz-ngrdr mz nzglqpx-lzbq-krdr, X drtqdr trmyau nzrtulrtr-krbzlr me pnz drtwrdr.
Sam 73
Sam 73:1-6