SAM 59:9-17

⁹Gatakan na tapi kekekaawan kakuya gatu tasinggaak kapanin. Anutu, nata iwanae gwauke gae apuke gatane gepbiatang koke yukgamuke kusopuwit.

¹⁰Sike gata nae take siknga nataayak kapanin. Anututa nae tupan kuwawan nata apmea kuwawa ita gatangamik. Gatangaman na aminu nanisapdukaingu ayapbimbit.

¹¹Buyambam tapa, ga nin ninduyuayak kapanin. Gata waamin ma zipi kumnong. Dasingge? Zipi kupanu natane aminabamda sanga waakngae botaning. Gikane kekeknga aknganetakan iwaninu yanikwasiwi unda undang kuwa pasiwi mainong.

¹²Asingganu genata wamu wai yake waiaknga tasinangge yakaingunin. Undanga, kapewi yamandeu sike gatane umandaenu asapduke kemu asinggan yakaingge meya panong.

¹³Unzingge gata musiptok natake atzipso. Gata wai aminu waakwau pasiwi wena siknga sinong. Gata unzing tasiwi Anutu Jekopdane donga kayuak kapanin ngang aminu kepna kepna yuaingga natapning.

¹⁴Sike zikaanen, waaminda yotbam gapmane asaapuke kamunda binga aiyuuk kumbasikaing.

¹⁵Sike wa kungapuke tasikaingu nanamde yawakaing. Yawake musipna dua gitnawanu kumzang siknga ainggamatakaing.

¹⁶Siwan ngana natanu gatane kekeknga akngakae kau taiwit. Ngan, tembana tapduu kuupbam nata kau kapzang taike nae asinggan natanggamatanggayakge natake taiwit. Dasingge, tupa meya takngatu takngatu nae apbing. Siwan ngana gata kakuya katak siknga tasike gata nae damangwen binga dakngawi yuat.

¹⁷Anutu, gakan, ga natane kekekngaapana. Nata kap takngatu taike umanda yatangenawitde nataat. Anutu, gata nae take siknga nataayak. Sike ga natane damanu kekeknga gwenu unin.