SAM 59:3-9

³Buyambam tapa, kayo. Waakwakga na nuwan kupitde kusopukaing. Nata sanga takngatu waaminde dua siknga tasikum. Siwan ngana wai aminu kitatoknga waakwau amak tasike nutnangge unekan yuaing.

⁴Buyambam tapa, na gutonga takngatu dua tasiyamukum. Siwan ngana waaminu zeetgaman kuke na nutnangge tandakngakaing. Nutnangge tandakngawa kake gata enake gatangamuyo.

⁵Buyambam tapa, ga Anutu kekekngaka bamban. Ga Isrel amindane Anutuna. Gata aminu gae masa gamukaingu zeetgaman apuke meya aminu dongu wa kuupbamde yake yamuyo. Yamuke waaminde butaya ma natayamim.

⁶Sike zikaane waaminda yotbam gapmane apuke daman gwen kumbasiyuuk, kamunda binga ainggamatakaing.

⁷Natapso. Waamindane wamna wai siknga siwan genaneta suyapbikaing. Unzing bainat taknga gena toknga aknga suyapbikaing binga. Siwan ngana anzing yakaing, “Maminda ninda yanimu natapning?”

⁸Siwan ngana Buyambam tapa, gata waaminde asiknga ayanimikgayak. Gata sapdut wamu aminu wa kuupbam kepna kepna yuaingunin yaninggaak.

⁹Gatakan na tapi kekekaawan kakuya gatu tasinggaak kapanin. Anutu, nata iwanae gwauke gae apuke gatane gepbiatang koke yukgamuke kusopuwit.