SAM 56:8-13

⁸Meya gwaamuke nata musipmaik nataau, ga atnatapinaa kwanamu sike yuat. Unzingge gata waakngae atnatanggamatayuuk, gikane buk gopatangu gwa matakuyak.

⁹Anutu, nata gae tumuk wam yawanu gata tasiwi iwanata masa namuke datakuning. Datakuwa kake gata gatangamunangge tasinggaak ngang natapit.

¹⁰Na Anututane wamna asiknga baknganggat. Ngan, Buyambam tapatane wamna yatangenanggat.

¹¹Na Anutue banip sike ita wamu yawan kekekakut takngae natanggamatanggat. Unzingge sanga tapatue dua gwaumbit. Dua gwaumba aminda nae mina binga takngatu tasiwa maiwit? Wena.

¹²Anutu, nata sanga tupa tasinangge yawa kekekakut taknga nata atasiwit. Unzingge nata gae gaak siknga ganike ofa takngatu gaak wamma saak natake tasiwit.

¹³Anutu, gata na gwa takuyakge na dua kumbum. Gata gatangami iwanata dua naitakepbing. Unzing Anutu, nata gaat asinggan gatake sukukamak. Siwan kakaa akngakata gatangaman kayuk yutnanga akngane sukuwit.