Sam 51:9-16

⁹Bzkq obqtrpeq nzmyakr drtqnge mz alwx rngeng, A' ipqpxbz alwx rngeng amrlx.

¹⁰Gct, tekqtrpz nabznge murde natubqx, X amrnale mqngrnge murde navz-nqblqx nim.

¹¹Bzkq maszlrpx-ngrn ninge mz nzmnctr-krbo bam. X bzkq katxpxq nzokatrkr Mqngrm ninge.

¹²Okatrp ninge murde na-abrtz-mou-ngrne nzarlapx-krm ninge, X drtqnge navq mz nzvz-nqblqngr natqm.

¹³Zbz sa na-alvztrpo nqmq krmqng mz kxdrka'-ngrng, Murde nayzlu-mopwzlr bam.

¹⁴Gct, bzkq ayzlu-mope' bange nzrnibq-krnge ncblo, Murde na-angrlvzx nim mz nzarlapx-krm lc ninge.

¹⁵Kxetu, okatrp ninge Murde naglqlz-ngrne nim nivz lrm.

¹⁶Trabrtz-ngrwq nzangco-ngrm blz mz olta nyzm. A' blz kx mrlzbz bam nabz leplz kx avzo-lzbq x plzpxle alwx ngrdeng. Delc trna-angco-ngrpwc'u blz mz olta nyzm, A' avzo-lzbq-zvztxpwo bam.