SAM 50:17-22

¹⁷“Nata gin panomanuwitde dua nataaing. Asingganu ginda nae wam yamasandekaing.

¹⁸Ginda kukwa amin kake notza dakngawan yuaing. Gatu ginu mayata apna sandekgak ba wawita maatna sandeke yasewa yumdekan tasikaing aminkat sukukaing.

¹⁹Ginu genza dakaneta wamu waiaknga ba kem wamu asinggan yakaing.

²⁰Gatu ginda notzaapa kot yaningge pakukaing. Pakuke waaminde ginda masa wam yanikaing. Sike ginda sapdut wamu minggatane waakngae inisapdukaing.

²¹Ginda unzing tasiwa danduke ngana na wamu takngatu dua yakum. Unzingge ginda naenu ninkat unzakan yuamang ngang nataaing. Siwan ngana wena siknga. Nata apmanu kaanga danike pasiwa kotde wamu aanggaman yaning.

²²Ginu aminu nae masa namukaingu ginu natapnong. Ginu ina unzakan yuwan kakengu nata ginu apasiwa maining. Siwan aminu tapatuta ginu gatu pananga dua.