Mbouŋ to Yes Israela 50:17-22

¹⁷Pasa, sawa to you napasaluŋgan gham, yam ayasiil pa aliŋag. Ve azorzoor saveeŋ tiou, ve avelegi inimale mbeb sorok.

¹⁸Ighaze aghita yubyub eta, yam lolomim poia pani, ve aghami inim itamim. Ve yes to tighurghur maat, yam ala toman di ve yamŋa alaghlaagh.

¹⁹Saveeŋ samsamia ve kaarom naol, to ivotvot ila avomim.

²⁰Ve yam aŋgalŋgal saveeŋ pa siŋ tiam, ve awaghamun toŋvetaz tiam izadi.

²¹Vena, yam aghamgham tovene ve aghita neneeŋag, tauto aghaze you nayok pa ŋgar tiam tonanan? Yam aghaze itiŋa rarateed? Maau! Tauto aazne, you nayaan gham, ve nasaav ila matamim, ve navotia sosor tiam ivot ighazooŋ.

²²Tovenen yam to lolomim imaghmaagh payou, apatum gham! Pa vene, namundig, ve nawaghamun gham kat. Ve eta irau ipas gham ila nimag maau.