Sam 31:1-4

¹Nabz ne Devet kx yrbzle mz kxrmailz ngr dzbe kxnzngrng. Yawe, nim me rlakitrx. Bzkq rlrpx-ngrn nzaovxiokr enqmi rngeng ninge. A' arlapx ninge, murde ale-zvzq da kxtubq.

²Ayzlu-anim nzyrni-krnge mz nzarlapx-krm ninge. Nanginim butqbr kx namnc-kapqpx-ngrmc.

³Mz nzngini-krm lrpalvc ngr nzrlapxngr, Aclve x mailz ninge mz nzvz-nqblq-krde natqm.

⁴Bzkq rlr-ngrme nzprtz-krnge mz trtxki kc tzamwi-kapq enqmi rngeng, Murde nim me rlakitrx.