Dagiti Salmo 31:1-4

¹Kenka O Yahweh, kumamangak; saanmo koma a pulos nga ipalubos a maibabainak. Ispalennak babaen iti kinalintegmo.

²Denggennak; darasem ti mangispal kaniak; agbalinka koma a bato a pagkamangak, maysa a sarikedked a mangisalakan kaniak.

³Ta sika ti batok ken sarikedkedko; ngarud gapu iti naganmo, idalan ken iturongnak.

⁴Ikkatennak manipud iti silo nga impakatda kaniak, gapu ta sika ti kamangko.