Sam 30:6-9

⁶Yawe, mzli kc tqmnc-zpwx-ngrne, rpi-zvzx kx, “Trpengr doa x da kx namwxlrtix.”

⁷Murde xngibo nzamrlz-krm ninge, mz nzapu-krm rtabu kx xplr kx tu-ngalelvzle ninge. A' mzli kc tqprtz-ngrm da kxtrka bange, opxm kx esablqtime ninge, sc tqmwxlr-zlwzpex.

⁸Delc Yawe, tqkqle-ngrne nim. X rlxtibo nzyzluti-krme ninge.

⁹Rpibo bam kx, “Bzkq rlrpx-ngrn nzvzo-krnge mz gq, Murde trpnzngr da kx mrlz kx naprpxm mz nzbz-krnge. X rblxpe nzyapwxtipx-krbo mz leplz mz nzangidati-krm, Nzmu namibilzpemc mz drtc'.