Sam 30:5-8

⁵Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.

⁶Yawe, mzli kc tqmnc-zpwx-ngrne, rpi-zvzx kx, “Trpengr doa x da kx namwxlrtix.”

⁷Murde xngibo nzamrlz-krm ninge, mz nzapu-krm rtabu kx xplr kx tu-ngalelvzle ninge. A' mzli kc tqprtz-ngrm da kxtrka bange, opxm kx esablqtime ninge, sc tqmwxlr-zlwzpex.

⁸Delc Yawe, tqkqle-ngrne nim. X rlxtibo nzyzluti-krme ninge.