Mboe 30:5-8

⁵Kete malmalŋana kini imbot rimen mi imap. Mi kampeŋana kini na, iseeŋge iseeŋge ma ila irao swondo imap. Tana tiŋiizi isombe ikam ti pa mbeŋ, na kozeere to, ni ikam ti ma lelende ambai mini.

⁶Yooba, indeeŋe ta mbotŋana tio ambai men na, aŋso ta kembei: “Pataŋana sa ko irao itok yo na som.”

⁷Pa nu kampewe yo mi pombolmbol yo, tanata aŋpakur ituŋ mi aŋso ko aŋbol mi aŋbotmbot ta kembei ma alok, kembei ta zin abal bibip. Mi indeeŋe ta nu piŋgis motom pio na, motoŋana biibi ikam yo mi aŋru zaala.

⁸Tana aŋboobu mi aŋtaŋroro u be muŋai yo. Aŋso ta kembei: “O Yooba, sombe aŋsaana kat mi aŋmeete ma aŋsula leŋ naala, na meeteŋana tio ko iuulu u be parei? Re. Zin meeteŋan ta tisula toono ma timbuuzu na, tipakuru, som tisoyaara mbulu ku ta toto sua ku mbukŋana na? Som.