Sam 27:7-10

⁷Yawe, xlrm nzkrka'-krnge mz nzkqle-krnge nim. X nayc mz drtwrm ninge mz nzayzlu-krme natqnge.

⁸Mzli kc tqrpi-ngrme kx, “Vzm mz nzangio-krm ninge.” X ayzlubo natqm kx, “Eu, ninge la navzbo.”

⁹Delc, bzkq mnc-rlrume bange. Ninge kxnzawz nem. X bzkq esablqtiq ninge mz nzngyatikr drtwrm ninge. Murde okatr-zvzq ninge mzli kc. Mevalu rnge, bzkq pxtxpx-ngrn ninge mz nzaxtx-krm ninge.

¹⁰Kxmule-esz' trtenge x lxenge nzaxtxtxdr ninge, A' nim la tqaclve-angidrq ninge.