SAM 143:1-5

¹Buyambam tapa, natane tumuk wamma gata natapiakge nataat. Maakga tewi kwanamu nata singgatde apsok. Ga noman siknga siwan puya noman gan asinggan pasinggayak. Unzingge natane tumuk wamma asiknga natake gatangamuyo.

²Gata na gikane puya aminu ma usanziwim. Wam yananga tapduk gwenen. Dasingge, aminu tapatu gutongana wena gae kaikane nomanganu yuwiu katasiwi maiwik. Wena.

³Natane iwanata gwa nawake naitakepu teaing. Ita na kaautde keu zikaa siknga dakaatang napmanggak. Siwan na aminu tupa siknga kumbuu tapatuta binga yuat.

⁴Unzingge natane natdetdetna apmaiwan meya bam siknga pake yuat.

⁵Sike apmanu sanga tupa aakingge gatu nataat. Siwan nata sanga pasikuyakge gatu puya take siknga aknga ngang pasikuyakge nataat.