Sam 140:8-13

⁸Bzkq rlr-ngrbzme nzngidatikr drtwr kcng tzyrlq kxdrka'-ngrng lcng Mz nzbilvz-krdr nzlolvz-krdr ninge, kxmule-esz' nzsuti zlwz drtwrdr.

⁹Enqmi lcng tztu-ngalelvzlr ninge. Batrpz nzayzlu-krbz badr natq ngr zngya kcng tzpimlr bange, murde nangq-moule nidr.

¹⁰X nyr natatiom nangc-ngrdr, X nartctiongr nidr mz gq kx trnarlapx-ngrdru.

¹¹Suti drtwrnge kx krkcng tzpokiang nzmnc-krdr mz drtc' natangqneo. X da kxtrka nadwatibzle krkcng tzota-zvzng mz nzodati-krde nidr.

¹²Yawe, krlzx kx tu-zvzbzme mz nibr kx trpnzngr scde zmatq, X okatrq kxnzkxpung mz nzatubqti-krm da kx vz-rbr.

¹³Leplz kxnztubqng sa na-awibzng bam, X namnc-zvzamu badr.