Sam 13:1-5

¹O Leeme Silok, ningisa ba unaba doma su rak? Kereva, u domampe rino nga ia? Tila rinotno la u lipe lamaram basinge ia?

²Ningisa ba unaba lox axap na levenmumuat nia arap kip tutu min? Lavanisa aleng kangking la kanimin lanbulu silok i nemen keneng at lorooro rak? Ningisa ba unaba lok tooro ia xusu anoxok lok bok ba at loklok tatao at limixin munepen minia?

³O Leeme Silok, nu ne Moroa rak. Doma su rak. Una sep siam at lising tarak. Una raba amlong ia mi lolos tarak. La nemen uta ke xepe ia xusu ana met.

⁴Nemen uta ke avolo limixin munepen minia dina tong i do, “Nedik tara sev asubu vam i.” Nemen uta ke avolo di kusu dina lok momo aksaksa ria mumu i nom.

⁵Ketla a nunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge limixin munepen minia.