1Mayatja, nyaakuṉin rawangku ngayunya kuliṟa wantinyi?
2Nyangatjaṉa rawa alatjiṯu tjituṟu-tjituṟu nyinanyi mungangka kaḻaḻa. Panya ngayuku mirpaṉtju tjuṯangkuṉi kuwari rawangku nyii-nyiipunganyi. Kaṉi nyuntu yaalaṟa wankaṟunkuku?
3Mayatja God, wanyuṉitju nyuntu kulinma rawangku wantinytja wiyangku ngayulu nyuntula tjapinnyangka. Munu ngayunya wankaṟu kanyinma ngayulu ilunytjaku-tawara.
4Panya ngayulu tjinguṟu iluku, kaya ngayuku mirpaṉtju tjuṯa ngayuku puḻkaṟa alatjiṯu ikaringkula pukuḻariku munuya wangkaku alatji, “Awa! Nganaṉa palya alatjiṯu wiyaṉu!” Kaṉi pala palula-tawara ngayunya wankaṟunama tjana ngunti pukuḻarinytjaku-tawara.
5Ngayulu ninti panya nyuntu ngayuku puḻkaṟa mukuringanyi tiṯutjara alatjiṯu, kaṉa nyanga palulanguṟu ngayulu rapa puḻka nyuntula tjungu nyinanyi. Munuṉa puḻkaṟa pukuḻarinyi nyuntu ngayunya wankaṟunkunyangka.