Sam 132:13-16

¹³Yawe, rlxtibzkr nzamrlz-krm king nem. Murde mcpxq Jerusalem nangi mztea nyzm,

¹⁴Mz nzrpi-krm kx, “Krlc mztea kx namnc-alo-ngrne, Mz nzvz-nqblq-krde me pnz drtwrnge.

¹⁵Sa nakabo mz lr mztea nyznge lc da kxmrlzting kxkqlu. X sa na-aputrx kxtrnzrngiscung murde nelzdr nakrlc x naesatxpx zpwx.

¹⁶Sa nabatrpo mz pris nengeng nzyapwxtipx-krbzlr mz leplz nengeng nzarlapx-krnge nidr, Murde leplz kxnztr lcng namalqlvzlr ninge.