SAM 130:1-7

¹Buyambam tapa, na meyambam pake nata gae yanggamatanggat.

²Buyambam tapa, nata gae kwanam sikgawanggatde natapso. Gata butaya natangamuke gatangamiakge yanggatde maak papso.

³Sike gata nindane waiaknganin kendewiak kopatangu mamin amin tapata wam yananga tapduk gwene kekekake gapbimbik? Wena.

⁴Siwan ngana gata nindane waiaknganinu asandekgayak. Unzingge ninda gae asiknga gwautnim.

⁵Sike na Buyambam tapata siknga gatangamikge take siknga nataat. Unzingge na ie kayuat. Sike na itane wam takngae baniu asinggat.

⁶Aminu kakuya zikaane tasikaing aminda tapduk gwenu zet kwakawikge natayuwawa semna singgak. Siwan na Buyambam tapaekan kayuat. Siwan ita gatangamikge siknga natayuwawa semna siknga singgak.

⁷Ginu Isrel amin, ginda baniu Buyambam tapae asiknga sinong. Dasingge, ita ginde asingganu take siknga natandamunggak. Sike ita gatandamuwawan meya takngatuta asingganu dua pasiwan mainingge nataak.