SALMOS 99:3-8

³Nochi ma quihueyichihuaca Toteco, yajaya tlen hueyi huan temajmati. San ya nelía tlatzejtzeloltic.

⁴Toteco yajaya se tlanahuatijquetl tlen quipiya nochi chicahualistli, huan quipactía tetlajtolsencahuas xitlahuac. Nochi tlen quichihua senquistoc cuali. Yajaya quinchihuilijtoc tlen xitlahuac nochi israelitame.

⁵¡Ma tijhueyitlalica TOTECO, yajaya toDios, yajaya tlen tlatzejtzeloltic! Ma timotlancuaquetzaca huan ma timoixtlapachoca hasta tlalchi iicxitla, pampa san yajaya tlatzejtzeloltic.

⁶Quema nopa totajtzitzi Moisés huan Aarón, huan nopa tiocamanalojquetl Samuel, quitzajtziliyayaj TOTECO para quitlajtlanise itlapalehuil, yajaya quinnanquiliyaya.

⁷Toteco quincamahui ipan se mixtli, huan inijuanti quichijque nochi tlen quiijto itlajtol huan itlanahuatilhua. Quena, inijuanti quichijque nochi tlen quinilhui ma quichihuaca.

⁸Quena, TOTECO, ta titoDios, ta tiquinnanquili. Ta tieli se Dios tlen tiquintlapojpolhuía inintlajtlacolhua tlacame. Pero nojquiya tiquintlatzacuiltía quema quichihuayayaj tlamantli tlen ax cuali.