Sabóor 99:3-8

³Sa tur weeka màgg te raglu. Sàbbaal-leen ko. —Kee sell!

⁴Buur, jëfe yoon mooy dooleem, te yaa saxal njub, yoon ak njekk ci askanu Yanqóoba.

⁵Màggal-leen sunu Yàlla, Aji Sax ji, te sujjóot fa ndëggastalam. —Kee sell!

⁶Musaak Aaróona bokk ciy sarxalkatam, Samiyel bokk ca ñay tudd turam. Ñuy ñaan Aji Sax ji, mu di leen nangul.

⁷Fa biir taxaaru niir wa la waxeek ñoom, ñu topp kàdduy seedeem ak dogalu yoonam ba mu leen joxoon.

⁸Céy sunu Yàlla Aji Sax ji, yaa leen nanguloon, di seen Yàlla ju leen di baal, te di leen mbugale seeni jëf ju bon.