Salmos 74:3-13

³Juchusha ragällan caycajta ricaj shamuy ari. ¡Chiquimajcunami Templuyquita illgächisha!

⁴Chiquishojcunaga wasiquichömi cushicur gaparpasha. Binsiycurmi bandërancunatapis jawicarcärisha.

⁵Yantata mutojnöpis jächawanmi ushajpaj pirasyasha.

⁶Martilluwan jächawanmi illgächisha guerucho cuyayllapaj burdasha caycajcunata.

⁷Wasiquitaga manami rispitashachu. Chaypa ruquenga rupaycärachishami.

⁸Nogacunapäga «ushajpaj illgarachishun» niranmi. ¡Cay nasyunchöga llapantami rupachisha gamta aduranäpaj shuntacänä wasicunatapis!

⁹Bandëräcunapis mananami ichirpannachu. Profëtacunapis mananami cannachu imaycama chaynölla canäcunapaj cashanta willamänanpaj.

¹⁰Tayta Dios, ¿imaycamaraj wiyächipämanga chiquimajcunaga? ¿Imaycamaraj washayquitapis parlarcaycanga?

¹¹¿Imanirtaj manana yanapämanquinachu? ¿Imanirtaj manana imatapis ruranquichu?

¹²Unaypitapis gamllami nogacunapaga Raynë canqui. Tayta Dios, gamga cay pachacho achca cutimi allicho llojshishcanqui.

¹³Lamar yacutapis munayniquiwanmi ishcayman raquirirayqui. Lamarcho tiyaj waräcuypa umantapis paquirgärishcanqui.