SALMOS 61:2-8

²Yonque niitztosquía campa hueli o hasta campa ontlantoc tlaltepactli, na nimitztzajtzilisquía para nimitztlajtlanis motlapalehuil. Quema nimajmahui o nimocuesohua, tinechyacana huan tinechtlatía ipan se huejcapantic tetl, campa ax tleno huelis nechajsis.

³Pampa san ipan ta nimotemachía para ax tleno nopantis. Ta tiitztoc queja se huejcapantic cali tlen nechmanahuía, para ax huelis nechajsise nocualancaitacahua.

⁴Nijnequi niitztos para nochipa ipan motiopa para tinechmocuitlahuis. Nopano niitztos temachtli queja se pilpiyotzi tlen mocahua ieltlapaltzala inana.

⁵Ta tinoTeco Dios, tijcactoc tlen nimitztlajtolcahuilijtoc para nijchihuas. Huan tinechmacatoc nopa tlatiochihualistli tlen ticajcoctoc para tiquinmacas tlacame tlen mitzimacasij huan mitztlepanitaj.

⁶Xijchihua para na nitlanahuatijquetl ma niitzto miyac xihuitl, huan para noyolis ma eli yejyectzi.

⁷Xinechcahuili ma nitlanahuatis moixpa para nochipa. Xinechmanahui huan xinechmocuitlahui ica moteicnelijcayo.

⁸Queja nopa nimitzpaquilismacas mojmostla. Quena, sesen tonal nijtlamichihuas tlen nimitztencahuilijtoc para nijchihuas para ta.