SALMOS 54:1-7

¹¡NoTeco Dios, xihuala xinechmaquixtiqui pampa nochi quimatij ta tihueyi! ¡Xinechmanahuiqui ica mohueyi chicahualis!

²Xinechtlacaquili quema nimomaijtohua ica ta. Quena, xijtlacaquili tlen nimitzpohuilía,

³pampa tlatehuijca tlacame motlanantoque ica na. Quena, tlacame tlen ax quema mitzilnamiquij nechtemohuaj para nechmictise.

⁴Pero Toteco Dios nochipa nechpalehuía, huan ax quincahuilis ma nechmictica.

⁵Toteco quincuepilis nocualancaitacahua nochi nopa tlamantli ax cuali tlen inijuanti quisencajtoque nechchihuilise. Quena, TOTECO, ta tlen nelía titemachtli, xijchihua senquistoc queja tinechtencahuilijtoc, huan xiquintzontlamilti nochi nocualancaitacahua.

⁶Ica paquilistli nimitzmacas notlacajcahualis. Nimitzhueyimatis pampa ta nelía ticuali,

⁷pampa ta tinechmanahuijtoc tlen nochi tlaohuijcayotl, huan niquitztoc quejatza tiquintlantoc nochi nocualancaitacahua.