Salmos 24:5-9

⁵Paycunataga salbacoj Tayta Dios bindisyuntami gonga, allimi ricangapis.

⁶Chayno alli car-rämi cawanan Tayta Diosta sirbiyta munajcunaga, Jacobpa Diosninpa ñaupancho goyayta munajcunaga. Selah

⁷Munayniyoj Ray päsananpaj, ¡quichay puncucunata! ¡Unay puncucunataga ushajpaj quichay!

⁸¿Pitaj munayniyoj Rayga? ¡Jinyu fiyupa callpayoj Tayta Diosmi! ¡Guërracho binsej Tayta Diosmi!

⁹¡Munayniyoj ray päsananpaj quichay puncucunata! ¡Unay puncucunataga ushajpaj quichay!